sru:version: 1.2; sru:query: fcs.rf="mecmua.1_167"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_167"; sru:baseUrl: ; fcs:returnedRecords: 1; fcs:duration: PT0.024S PT0.031S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_167</phrase></query>)];

19 Bunı andan çoq iḫtiṣār ėtdüm
Gizlü rāzum heb āşikār ėtdüm

20 Çünki naẓm ehlidür şeh‑i ʿādil
Dürr‑i manẓūma pes olur māyil

21 Merdüm‑i çeşm‑i eşkle ezdüm
Ol sebebden bu cevheri yazdum

22 Döndi manẓūma nāmı naẓm iledür
Dizmedi kimse böyle naẓm‑ile dür

23 Ger bunuñ tārĭḫi olursa murād
Nüh ṣad oldı vü pencle heftād

24 N’ola vėrsem bunı o sulṭāna
Mālik‑i ḫātem‑i Süleymāna

25 ʿĀleme pādişāh u ḥükmi revān
Memleket cismine olubdur cān

26 İki ʿālemde ber‑murād olsun
Kārı ḫalq üzre ʿadl ü dād olsun

27 Vėrdi devlet ḫudā bi‑ḥamdi llāh
Qapusında qul oldı mihrle māh

28 Ḥācetüm bu idi revā oldı
Rubʿ‑i meskūna pādişāh oldı

29 Sāyesinde ḥużūr ėder her kes
İns ü cinn ü ṭuyūr u mūr u meges

30 Nūḥ ʿömrince ʿömri ola ṭavīl
Muṣṭafā ḥürmeti bi‑ḥaqqi Ḫalīl

31 Her göñülde maqāmı ṣadr oldı
Baḫtı gibi cemāl[i] bedr oldı

32 Çünki qalbümde mihri ėtdi qarār
Düşdi şevqi derūna ṣan‑ki bahār

33 Diledüm‑kim anuñ zemānında
Ol şehüñ sāye‑i emānında

34 ʿİlm‑i ṭıbbuñ gereklü cevherini
Fenn‑i ḥikmetde sözüñ enverini

35 Şol mücerreb kim ėtmişem tekrār
Seyf‑i qāṭiʿ gibi keser her bār

36 Qamu emrāża heb birer dermān
Yazmışam ger şifā vėre raḥmān

37 Kütüb‑i ṭıb şehā iñen çoqdur
Böyle rengīn risāle hĭc yoqdur

38 Qande kim ola bu kitāb‑i lebīb
Lāzım olmaya anda ġayri ṭabīb

dībāce‑i kitāb‑i müsteṭāb

39 Gel Nidāyī kelām muḥtaṣar [!] ėt
Bu cihānda gereklü bir es̱er ėt

40 Ādem oldur ki ḫalqa ḫayrı dege
Ol mużırdur ki nāsa şerri dege